Thursday, October 26, 2006

എന്‍ പ്രിയസഖി

അന്നവള്‍ അതിമനോഹരിയായിരുന്നു
മുടിയില്‍ മനം മയക്കും മുല്ലപ്പൂ
നെറ്റിയില്‍ ചുവന്ന കുങ്കുമം
ഇളം മേനിയില്‍ ഒരു പട്ടുസാരിയും

എന്നെ തിരയുകയായിരുന്നോ ആ നീലകണ്ണുകള്‍
സ്നേഹമൂറും പുഞ്ചിരിയും എനിക്കായിരുന്നോ?
അവളുടെ നനുത്ത ചുണ്ടുകളെന്നെ വരവേറ്റു
കൈകളിലൊതുക്കീ അവളെന്‍ കൈകളെ.

ഞാനെത്രമാത്രം അവളെ സ്നേഹിക്കുന്നു
ഞാനെത്രമാത്രം അവളെ ആഗ്രഹിക്കുന്നു
ഒരുകടലോളം സ്നേഹം -
അവള്‍ക്കായുണ്ടെന്‍ ഹൃത്തില്‍

ഒരു ജന്മത്തിന്‍ സാഫല്യമായ്
നാമലിഞ്ഞുചേരുമൊരുദിനം
ദു:ഖങ്ങളിലെന്‍ തുണയായ്
ആനന്ദങ്ങളില്‍ പങ്കാളിയായ്

നാമൊരുമിചൊരു ജീവിതം
എന്‍ കുഞ്ഞുങ്ങള്‍ക്കമ്മയായ്
വീടിന്നു കെടാവിളക്കായ്
ജീവിതാന്ത്യം വരെ നീ

വികലമാം സങ്കല്പങ്ങള്‍...
മന്ദഹസിചൂ ഞാന്‍ അവളെനോക്കി
കൈമാറി കുറച്ചു പൂക്കള്‍
നേര്‍ന്നു ഞാന്‍ “വിവാഹമംഗളാശംസകള്‍”

-സുല്‍

14 comments:

Sul | സുല്‍ said...

"എന്‍ പ്രിയസഖി"
ഒരു കൊച്ചു പോസ്റ്റ്. അവിവേകമാണ്. എന്നാലും ഇതിവിടെ കിടക്കട്ടെ!.

വല്യമ്മായി said...

നല്ല വരികള്‍

ഇത്തിരിവെട്ടം|Ithiri said...

സുല്‍ നന്നായിരിക്കുന്നു. എവിടെയൊക്കെയോ ഒരു നീറ്റലുണ്ടല്ലോ വരികള്‍ക്കിടയില്‍...

ikkaas|ഇക്കാസ് said...

എന്നിട്ട് സുല്ലിന്റെ ആ പ്രിയസഖി ഇപ്പോള്‍....?
(നല്ല വരികള്‍)

പൊന്നമ്പലം said...

മ്മ്മ്‌ നടക്കട്ടെ... ഡോണ്ഡൂ‍ൂ‍ൂ‍ൂ

അരീക്കോടന്‍ said...

അപ്പം സുല്ലിനും ഒരു സൈനബ ഉണ്ടാര്‍ന്നൂൂൂൂ...????

മിന്നാമിനുങ്ങ്‌ said...

എന്നും കൂടെയുണ്ടാകുമെന്നു മോഹിച്ചപ്പോള്‍,സ്വപ്നങ്ങള്‍ക്ക്‌ നിറംവിരിഞ്ഞപ്പോള്‍..
അന്നവള്‍ അതിമനോഹരിയായിരുന്നു
എന്നാല്‍,ഇന്ന്..സ്വപ്നങ്ങള്‍ വീണുടഞ്ഞപ്പോള്‍,സങ്കല്‍പ്പങ്ങള്‍ വികലമായപ്പോള്‍...ഇന്നവള്‍....

അരവിശിവ. said...

ശ്ശോ!കഷ്ടമായിപ്പോയല്ലോ?ഒരു വണ്ടി പോയാല്‍ അടുത്ത വണ്ടി...കാത്തിരിയ്ക്കൂ.. :-)

തറവാടി said...

ഇഷ്ടപ്പെട്ടു

Marthyan said...

അത്‌ ശരി, അപ്പോള്‍ വിവാഹപെണ്ണിനോട്‌ തന്നെ.
നന്നായിട്ട്ണ്ട്‌.... :)

Anonymous said...

1)പുള്ളിക്കാരത്തിക്ക് ഇതൊക്കെ വായിച്ചു കൊടുക്കാറുണ്ടോ?
2)അവിവേകം ന്ന്വച്ചാ?
3)കലക്കീട്ട്ണ്ട്

കലേഷ്‌ കുമാര്‍ said...

സുല്ലേ, ഇതൊക്കെയില്ലേല്‍ പിന്നെന്ത് ജീ‍വിതം?

Sul | സുല്‍ said...

വല്യമ്മായി :)

ഇത്തിരി :) എനിക്കും തോന്നുന്നു

ഇക്കാസ് :) ഇപ്പൊ ഓള് കെട്ട്യോന്റൊപ്പം.

പൊന്നമ്പലം :) ഇനി ഡോണ്ഡൂ‍ൂ‍ൂ‍ൂ തന്നെ.

ആബി :) സൈനബ പോയില്ലെ പഹയാ.

മിന്നാമിനുങ്ങ്‌ :) അവളു സുന്ദരിയായിരുന്നത് വിവാഹദിവസം തന്നെയാരുന്നു.

അരവി:) അടുത്തവണ്ടിയില്‍ കയറി സ്ഥലം കാലിയാക്കി കേട്ടോ.

തറവാടി:) വല്യമ്മായി കേള്‍ക്കെണ്ട.

മര്‍ത്യാ :) അല്ലാതെ പിന്നെ ആരോട്.

വാവക്കാടന്‍:) പറഞ്ഞുകൊടുത്തിട്ടുണ്ട്; ന്ന്വാചാ; നന്ദി.

കലേഷ്‌ :) അപ്പൊ ഇതും വേണം ല്ലെ.

അപ്പൊ വന്നവര്‍ക്കും വായിച്ചവര്‍ക്കും കമന്റിയവര്‍ക്കും എല്ലാവര്‍ക്കും നന്ദി, നമസ്കാരം.

-സുല്‍

SULFI said...

ഇങ്ങിനെ ഒരു അസുഖം കൂടെ ഉണ്ടായിരുന്നു അല്ലെ.
എന്റമ്മോ. നമ്മള്‍ ഇത്തിരി വിട്ടു പിടിക്കേണ്ടി വരുമോ?