പെണ്ണിനൊത്തൊരു ചെക്കനുണ്ടോ?

എനിക്കു മുല്ലപ്പൂ പോലത്തെ ഒരനിയത്തിയുണ്ട്. ഇതുവരെയും കല്യാണം എന്നു പറഞ്ഞാലവള്‍ക്ക് അലര്‍ജിയായിരുന്നു. ഇപ്പോളവള്‍ക്കൊരു മോഹം കല്യാണായാലോന്ന്.

എത്ര സുന്ദരന്മാരായ ആമ്പിള്ളേരെ കാണിച്ചു കൊടുത്തതാ.

ഒന്നിനു കളറ് പോരാ.
ഒന്ന് ഇന്ദ്രജിത്തിനെപ്പോലെയല്ല.
ഒന്നിന്റെ ചിരി അവള്‍ക്കങ്ങ് പിടിച്ചില്ല.
ഒന്നിന് സിഗരറ്റ് നീട്ടി വലിച്ച് ചുണ്ട് കറുത്തു പോയി.

ഓ ഈ പെണ്ണിനെ ഒന്നെങ്ങനാ കെട്ടിച്ചു വിടാന്നാലോചിക്കാന്‍ തുടങ്ങീറ്റ് കാലമിശ്യായി.

ഇന്നലെ ഡ്ബ്ലീയു ദുര്‍ബലനെ പോലെ ഒരുത്തന്‍ വന്ന് പെണ്ണുകണ്ട്. അവളു പറയാ...

“എനിക്കിതായാലും മതി. എന്റെ വിധി ഇതാണെന്ന് കരുതിക്കോളാം” ഞാന്‍ മൂക്കത്ത് വിരല്‍ വെച്ചത് തലച്ചോറില്‍ കൊണ്ട് തലവേദന വന്നു.

ഒരു സ്വകാര്യം. ഇന്നലെ ഞങ്ങടെ വീട്ടില്‍ കണ്ണാടി വാങ്ങിച്ചു.

കടയും തലയും മൊത്തം ഇവിടെ http://mullappoo.blogspot.com/2007/03/blog-post.html

ഇക്കാസിന് പെണ്ണുകിട്ടുമൊ?

ഒരുപാടു നാളത്തെ കാത്തിരിപ്പിനു ശേഷം (10 - 30 വര്‍ഷം), ഇക്കാസ് പെണ്ണിനെ തേടി കളത്തിലിറങ്ങിയിരിക്കുകയാണ് സുഹ്ര്‌ത്തുക്കളെ.

ഇക്കാസിന്റെ ഈയടുത്തിടെയായി ഇറങ്ങുന്ന എല്ലാ പോസ്റ്റിലും ഒരു കല്യാണസൌഗന്ധികം വിരിഞ്ഞു നില്‍കുന്നത് നിങ്ങളറിയുന്നില്ലേ?.

1. പുതിയ കാമുകിമാരെ തേടികൊണ്ടുള്ള പരസ്യം

2. ചെക്കന്‍ കാണാന്‍ കൊള്ളാം എന്നു ഊതിപെരുപ്പിക്കുന്ന പോസ്റ്റ് (കൊള്ളലൊക്കെ കണക്കെന്നെ)

3. . ചെക്കന്‍ നല്ല സെറ്റപ്പാണ്, നിങ്ങളുടെ മകളെ പൊന്നുപോലെ നോക്കാനുള്ളത് ഞാന്‍ ഉണ്ടാക്കുന്നുണ്ടെന്നു കാണിക്കുന്ന പോസ്റ്റ്

അവസാനമായി, ചെക്കന്‍ ഭക്തശിരോമണിയാണെന്നു കാണിക്കുന്ന വചനങ്ങള്‍ ഗൂഗിള്‍ സ്റ്റാറ്റസ് മെസ്സേജ് :
ഇതു അറബിയാണ്‍്. അറിയുന്നവര്‍ക്ക് വായിക്കാം. അല്ലാത്തവര്‍ക്ക് ചൊറിയാം.

1. الإيمان ان تؤمن بالله و ملاءكته و كتبه و رسله و يوم الآخر و القدر الخير والشر من الله تعلى
2. اركان الإسلام هو خمسٍ شهادة ان لا اله الله اقيم الصلوة اعطيع الزكة صوم رمضان حج بيت الله الحرم

ഇനി നിങ്ങള്‍ തന്നെ പറ. “ഇക്കാസിനു പെണ്ണു കിട്ടുമൊ ഇല്ലേ?”